Sponsored Links
A B C D E F G H I J K L M N O P Q R S T U V W X Y Z #

Bull (Chutney 2014) Lyrics

By Kenneth Supersad

Kenneth Superad - Bull - Lyrics

Ah was drivin ah truckload full of bull
[Full of bull]
And de back ah de truck was very full
[Very full]
But when de bull start to fight
Ah didn't know what tuh say
Deh jump out ah de truck
And all dem run away
Well dat bacchanal cause meh big problems
Cause now ah only searchin fuh all meh bull
And dem.

Well ah get ah bull in Grande
Ah get ah bull in Town
Ah get ah bull standin up, ah get one
Lyin down
Ah get ah bull in San Juan
And one down by Maine
And when ah reach down Couva ah get
Two bull again,

Aye, yai, yai,
Oooo-ohh,
Ohhh, yo, yo
Oooo-ohh,
Ah doh wah no trouble
Nooooo ooohh
Ah doh wah no fight
Nooooo ooohh
But me ain't leavin here till ah get
Dem bull tonight.

If all yuh get meh bull and dem
All yuh call meh
All who have meh bull fuh meh
Gih meh meh bull.

Well de bull and dem deh had me
Goin mad, [goin mad]
Ah was lookin all over Trinidad
[Trinidad]
But de places ah look, yuh wouldn't
Believe me
I even get ah bull on top ah mango tree
All through de sun and all through
De rain
One by one ah getting back, all meh bull again.

Well ah get ah bull in Debe
And one down Penal
Ah bull behind ah lamp post and one
In ah canal
Ah hear ah woman bawlin, so ah run across
Tuh see
Well ah get ah bull in she kitchen and two
In de gallery.

Aye, yai, yai,
Oooo-ohh,
Ohhh, yo, yo
Oooo-ohh,
Ah doh wah no trouble
Nooooo ooohh
Ah doh mean no harm
Nooooo ooohh
But ah must geh meh bull tuh go back
On de farm.

Ah really wah meh bull
All yuh geh meh meh bull.

Well day and night ah lookin all about
[All about]
In de East, West de North and de South
[North and de South]
But tuh tell yuh de truth, it really ain't easy
Ah even get a bull inside ah cemetery
Now ah only lookin, ah cyah stop at all
So if you have my bull, jus give me
Ah call.

Well ah get ah bull in de cane field
Down Palaseco
Ah get ah bull in ah hammock
In Rio Claro
And if yuh doh believe me well dis one
Take de cake
Ah man dead in sando and ah get ah bull
In de wake.

Aye, yai, yai,
Oooo-ohh,
Ohhh, yo, yo
Oooo-ohh,
Ah doh wah no trouble
Nooooo ooohh
Ah doh really care
Nooooo ooohh
But me ain't goin no where till ah
Get meh bull right here.

If all yuh get meh bull and dem all yuh
Call meh
All who have meh bull fuh meh geh meh
Meh bull
Ah really wah meh bull
All yuh geh meh meh bull!


Sponsored links

Lyrics submitted by on Jan 06, 2014 .

Join Us On Facebook

Please Wait 10 Seconds...!!!Skip
Sponsored links